Qapalı eyvan üçün 3 ideya | P&P Blog
31.08.2022
Əgər qapalı eyvanınız varsa və yaxud «milli adətimizə» əsasən, açıq eyvanı bağlatdırıb yaşayış sahəsinə qatmısınızsa, bu üç ideya sizin üçündür!
#1 qapalı eyvan ideyasında dizayner pəncərə altını ümümiyyətlə ləğv edib. Qapıları isə şüşə arakəsmə ilə əvəz edərək, eyvanı qonaq otağının davamı olaraq göstərmək istəyib. Bu üsul ilə otağa daha çox işığın daxil olması üçün şərait yaranıb və ağ rəngin hesabına daha yüngül və geniş interyer əmələ gəlib. Əlavə olaraq, eyvana yerləşdirilmiş rəf və oturacaqlar ümümi sahəyə daha çox funksionallıq qatıb.
#2 qapalı eyvan ideyasında dizayner eyvanı mütləq şəkildə yaşayış sahəsinə birləşləşdirmək məqsədilə iş görüb. Eyvan və mətbəxin keçidini yox etmək və sahəni vizual olaraq birləşdirmək üçün hər ikisinin döşəməsində eyni metlaxdan istifadə edilib. Həmçinin, eyvanın divarında mətbəxə aid (səhər yeməyi, qəhvə, qayğanaq və s. kimi) sözlər yazılıb və beləliklə, oranın mətbəxlə əlaqəsi olduğu vurğulanıb. Orada quraşdırılmış hündür masa ilə dizayner həm də orada eyvanda bir iş zonası yaradıb.
#3 qapalı eyvan ideyasında isə eyvanın birləşdiyi otaq - yeniyetmə uşaq otağıdır. Dizayner otaq ilə eyvanın arasındakı qapını ləğv edərək, onları artıq vizual olaraq birləşdirib. Eyvan tərəfdən ara divar boyunca, tavanadək yığılmış saxlanc yeri, uşaq otağının əsas yaşayış hissəsini artıq əşyalardan azad etməklə yanaşı, eyvan hissəsini də çox xüsusi asudə vaxtı yerinə çevirib.
Hansı ideyanı daha çox bəyəndiniz? Mətnin müəllifi: Practic & Perfect | Fidan
