Səyahətdə bu əşyalar olmazsa, olmaz
28.12.2022
Hər zaman sadəcə əl baqajı ilə yola çıxıram və ancaq «olmazsa, olmaz» dediyim əşyaları özümlə götürürəm deyə, artıq kiçik bir səyahət siyahım var və bu 9 əşya illərdir ki, mütləq mənimlədir. #1 @decathlonusa ‘ın Quechua sandallarını artıq 3-cü dəfədir ki təkrar-təkrar müxtəlif rənglərdə alıram. Çünki bu sandallar çox davamlıdır və mənim kimi hər gün 10+km piyada gəzən biri üçün dünyanın ən rahat ayaqqabısıdır! #2 Digər @decathlonusa məhsulu olan #Nabaiji su keçirməyən mini torba-çanta. O, əslində çimərlikdən sonra yaş paltarlar üçün nəzərdə tutulsa da, mən onu hər zaman özümlə apardığım kiçik hamam ləvazimatları üçün istifadə edirəm. #3 Greenway firmasına məxsus Laska Aquamagic dəsti sadəcə su ilə makiyaj təmizləyən və dəri baxımı üçün ideal üç kiçik məhsuldan ibarətdir. Mən gündəlik həyatımda onlardan daima istifadə etdiyim üçün, bu dəsti də səyahətlərdə mütləq ozumlə aparıram.
#4 Digər Greenway məhsulu olan Sharme bərk şampun və saç balzamı. Başqa heç bir şampunla saçlarımı yumuram, buna görə də onları iki kiçik sabun qabıya yerləşdirib özümlə aparıram. Maye olmayan şampun və balzam təyyarə səyahətləri üçün də çox əlverişlidir. #5 Kiçik maye qabları dəstlərindən bir neçəsini əldə edib təyyarə ilə getdikdə özümlə optik linza suyu, krem, maska, baxım yağlarını və digər lazım olan mayeləri apara bilirəm. #6 Hər yeni yerdə diş fırçası almıram və özümlə gəzdirdiyim fırçamı təmiz saxlayan bu qutular çox praktikdir!
#7 @samsoniteusa firmasına məxsus səyahət sənədləri üçün olan bu orqanayzer həm pasport, həm standart ölçüdə olan bütün biletlər, həm də nəqliyyat və bank kartları üçün mükəmməldir #8 Parça alış-veriş çantaları. Səyahətlərdə mini çantalarla gəzdiyim üçün belə parça alış-veriş paketlərini qatlayıb çantama qoyuram. Yolda alınan hər şeyi onlara yerləşdirmək və daşımaq daha asan olur, həm də hər dəfə ödənişli plastik paketləri almamış oluram. #9 Və əlbəttə ki, ən sonda #Xiaomi power banksız səyahət olmaz deyib, mövzunu bitirirəm. Əlində USB kabel restoranda gəzən insan görsəniz, bilin ki, iPhone istifadəçisidir və power bank’ı yoxdur
