Sizcə interyerdə boş divarı necə bəzəmək olar? İlk ağıla gələn əsasən rəsm və şəkillər olur. Amma bu və bundan sonraki bir neçə paylaşımımdan sonra əmin olacaqsınız ki, boş divar dekorasiyası üçün əslində çox daha mürəkkəb və maraqlı ideyalar var.

Əgər boş divarın sahəsi böyükdürsə, o sahəni vurğulamaq üçün bir ədəd böyük rəsm və yaxud «triptix» adlanan rəsm növündən istifadə etmək olar. Triptix adətən üç hissəyə bölünmüş bir kompozisiyadır və onları yan-yan istifadə etməklə maraqlı görüntü yaratmaq olur. Rəsmlərin seçimi zamanı ya divarla kontrast yaratmaq, ya da divar səthinin rənginə uyğunlaşmaq olmaq. Şəxsən mən sadə ağ divarda canlı rənglərdə rəsmləri bəyənirəm. Amma daha minimalistik görüntü əldə etmək üçün sadə ağ divarda #ağ / #boz / #qara rənglərdə olan rəsm də istifadə etmək olar.

Boş divarlara dekorativ boşqablar asmaqla maraqlı görüntü əldə etmək olar. Boşqabların sayı çoxaldıqca və ölçüləri kiçildikcə divarda daha «dolu» görüntü yaranmağa başlayır. Bu dekor növünü seçərkən evin ümumi dizayn üslubunu da nəzərə almaq mütləqdir. Boşqablar ümumi üslubu tamamlamırsa, onları istifadə etməmək daha doğru seçim ola bilər. Karuseldə gördüyünüz nümunələrdə interyerdə istifadə olunan rənglərin və həndəsi fiqurların müxtəlifliyi keramika boşqablarla mükəmməl ahəng yaradıb.

İnteryerin ümumi üslubundan asılı olaraq hər zaman boş divarı bəzəmək üçün onu tamamilə doldurmaq tələb olunmur. Bəzən kiçik fiqurlar, sənət-əsərləri və suvenirlər kifayət edə bilər. Məsələn, karuseldə gördüyünüz ən son 3 şəkildə dizaynerlər sadə divarı və panelin üzərini səyahət xatirəsi olan Afrikan maskaları və heyvan fiqurları ilə tamamlayıblar.

Ən başda qeyd etdiyim kimi, bu paylaşım «divar dekorasiyası» silsiləsinin bir hissəsidir. Mətnin müəllifi: Practic & Perfect | Fidan

Share:

• Facebook
• TWITTER
• LINKEDIN
• whatsapp